दाउ छ धेरै

मेरो मनमा बस्ने खोज्ने दुनियाँको दाउ छ धेरै
जो आए नि बस्न दिन्छु बस्नलाई ठाउँ छ धेरै

हावा संगै उडेको थ्यो कहाँ पुग्यो सिमल भुवाँ
गन्तब्यमा जालो भेटे उस्ले दु:ख पाउछ धेरै

चलेकै छ जिन्दगी यो सिस्नु डौठे निगुरो खाइ
सत्य बुझ्ने तर्की जाला नबुझ्ने चै धाउछ धेरै

सुकाएर हुर्कायौ कि खुवाएर दुधको धारा
तिर्न कैल्यै सक्दिन म आमा तिम्रो साउँ छ धेरै

नसोधे कै निको होला के छ भनी जीवन संग
बल'बुद्धि'धन बाहेक बल्झी दुख्ने घाउ छ धेरै