गजल-"घायलको तरही मुसायरा -५"

क्रान्ती भन्दै कुरा मात्र भुक्नुहुन्न अब नारी
बिर्सी दिदै साडी चोली फुक्नुहुन्न अब नारी

जोगाउनु धर्म रीतिभन्दै चुप बस्दा पनि
गुम्छ फेरि अवसर लुक्नुहुन्न अब नारी

बर्ष भरि भेल चल्दा हुन्न फल सिर्जनाको
भन्दा पनि औसी पुर्णे सुक्नुहुन्न अब नारी

आए कै हो दिन अब प्रगतीको बाटो लाग्ने
पुराना ती संस्कारमै झुक्नुहुन्न अब नारी

दुइ दानामा किन मख्ख? बाटो छेक्छ मिठाइ
ठोकी बिर्को "बुद्धि" माथी चुक्नुहुन्न अब नारी

'अघोषित योद्धा'
बुद्धि मोक्तान