सपनी मै देउसी भैलो

सपनी मै  देउसी भैलो बोलेँ जस्तो लाग्यो
बास्ना छैन तैपनि सेल पोलेँ जस्तो लाग्यो

मादलुको घिन्ताङ संगै छिन्-छिन् पनि सुन्छु 

घुँगरुको होइन थैली, खोलेँ जस्तो लाग्यो  ।

तिहारमा चेली भेट्छु भन्ने स्वप्ना
आँफै मर्न ताजा विष घोलेँ जस्तो लाग्यो । 

आँधी हुरी छाल बीच डुङ्गा लिई निस्केँ
बेहोशी भै ठुलो जोखिम मोलेँ जस्तो लाग्यो ।

उता  हुँदा रंङ्गीन तिहार यता फुस्रो  निधार
आफ्नै जीवन थाङ्ने माग्ने झोले जस्तो लाग्यो । 

बुद्धि मोक्तान
चाँगे-३, ताप्लेजुङ
हाल
म्यारिलेण्ड, युएस