गंगा टिस्टा अरुलाई नै कोशी भए हुन्छ मलाइ
सत्य सोजी अरुलाईनै दोषी भए हुन्छ मलाइ ।
भाग बण्डा लाउदैछु म राम्रो नरम छानी लिनु
थाली गाग्री अरुलाई नै फोसी भए हुन्छ मलाइ ।
जिन्दगीको किनार पनि साह्रै लामो रैछ साँहिला
सेती-माइ अरुलाई नै रोशी भए हुन्छ मलाइ ।
इच्छा सगै त्यो मन भित्र तिश्णा जागोस प्रगतीको
क्रान्ती-कारी अरुलाई नै जोशी भए हुन्छ मलाइ ।
राम्रा सबै मेरो भन्ने मुर्खहरुमा आओस "बुद्धि"
धुर्त चलाख अरुलाई नै होशी भए हुन्छ मलाई ।
No comments:
Post a Comment