आमा ,म र फेसबुक -३

      "ला यो खा ! झन्डै दुध डडेछ ,उम्लेर त कति गयो कति !! यहि भएर पनि हेर्दैन ,हो यस्तै भएर मैले फेसबुकमै ओछ्यान सारी दिएको "-आमाले कुराउनी दिदै मलाइ  भन्नु भयो । कुराउनीको डल्ला क्वाप मुखमा हाले। चपाउनु फुर्सदै कहाँ थियो र त्यतिकै मुखमा राखेर  म हतपत फेसबुक मै  भक्ति सरको स्टाट्र्स हेर्नु थाले । " के हो यो ? हेर्दा पनि हेर्दैन, बोल्दा पनि नबोली फेरि फेसबुकमै ब्यस्त हुन्छ ,होइन ,तैँले मेरो कुरा सुनिनस् की के हो ?"-आमा वल्लो पल्लो घरसम्म सुनिने गरि कराउनु भयो । "के बोल्नु के हेर्नु ,आमा हजुरलाइ ?अब काम सघाउ भने पनि ओछ्यान सर्नु नमिल्ने फेरि म फेस्बुक बाट कहाँ फुर्सद पाउनु सक्छु र ? हेर्नुहोस् न कति धरै मेसेजहरु आएका छन् सबको मन राख्नै पर्‍यो " मैले फेस्बुकमा आएका टन्न मेसेज आमालाई देखाउदै भने । आमा मेरो शिरानी नजिक आएर बस्नु भयो ।  "यी  राता पल्याकपुलुक्क गर्ने दानाहरु चाइ  के हो नी ?
'आमा यी दाना होईन यी त फ्रेन्ड रिक्वेस्ट हुन के त! अनी यी चाँही कमेन्ट को रिपोर्ट क्या 'आमालाई बुझाउने हेतुले बताए ।
'सिग्रेट भनेको त सुनेको थिए रिक्वेस्ट भनेको चाइ के हो यस्को कुरा पनि..."
म नौलो रिक्वेस्ट एसेप्ट गर्दै हुँदा आमा एक्लै गुनगुनाउनु हुदैथियो ।
"अनी अस्तिका ती नानी हरु त गइ सके होला नी तेरो फेस्बुकबाट होईन ? आमाले पहिले देख्नु भएका केटीसाथीहरुको बारेमा जिज्ञासा राख्नु भयो ।
"कहाँ जानु नी यही छन् नी, यी हेर्नुस् " मैले नयाँ साथिको फोटोहरु देखाउदै भने ।
"लौ हेर नाक त तेरो जस्तै रहेछ ।कानको लोत्ती पनि तेरोसगै मिल्ने"-भखरै प्रोफाइल हेर्दै गरेको साथिको तस्बिर म सग तुलना गर्दै आमा एकोहोरिनु भयो ।
"खै अब यसलाई बन्द गरौ है आमा! अर्को कमेन्ट को रिपोर्ट आयो " मैले माथी देखिएको रातो दाना देखाउदै भने ।
-"को कम्रेड? कुन कमरेड ?कमरेड समरेड अब गोली मार ,सबै कमरेड चिनियो । पर्दैन आउनु अबो हाम्रो घरमा ,नचिनेका हुन र तीनीहरुलाई!"दाया पट्टीको मुसा चलाउनु नपाउदै आमा फत्फताउनु भयो ।
"हरे !कमरेड होईन के आमा कमेन्ट भनेको कमेन्ट "सकिन मैले हजुर सग अब" हतपत मुसाको पुच्छर तानेर हेर्दै गरेको फोटो हटाइ कमेन्ट पढ्न थाले।
 आमा हेरी रहनु भएको छ। मेरो ओछ्यान ,मेरो फेस्बुक ,अनी मेरो ब्यस्तता। म कहीले स्टाटस परिवर्तन गर्छु ,कहीले मेसेज लेख्छु ,कहीले नोट चिरफार गर्छु । यतिकैमा अली परबाट "तल्लो घर बोजु! ए तल्लो घर बोजु ! यता हेर्नु नी  हौ!" कोहि नारी मान्छेको आवज बाहिर गुन्जियो । आमाले  पालीमा अलिकति टाउको निहुराएर आवज आए पट्टी हेर्नु भयो। मैले परको नारी स्वार मथिल्लो घरे दिदीको हो भन्ने प्रश्ट बोध गरे । उता बाट के भन्नु भयो मैले पत्तो पाइन । फेरि मलाई फेस्बुक बाट फुर्सद पनि त थिएन अर्काको कुरा सुन्ने । मैले आमा पट्टी हेर्दा आमा अली हतारमा उठदै हुनुहुन्थियो  ।
"आमा! किन हतार?,बस्नुस् न बस्नुस् म फेसबुकमा अरु कुरा पनि देखाउछु। "आमालाइ मैले एक छिन् बस्ने आग्रह गर्दै भने ।
-"तेरो जस्तो फुस्रो हो र ? मलाई त माथिल्लो घरे कान्छीले कोदोको तिनपाने खाने फ्रेण्ड रिक्वेस्ट पठायो बुझिस्!!"
आमा माथिल्लो घरतिर लाग्नु भयो।

मैले भोलि देखि आमालाइ फ्रेण्ड रिक्वेस्टको बारे अर्थ्याउनु नपर्ने भयो भन्दै लामो सुस्केर को महसुस गरे।    

 क्रमस..........