मिलाइ हेरौ कसो हुन्छ

तिम्रो मुटु मेरो धड्कन् मिलाइ हेरौ कसो हुन्छ
च्यातिएको हाम्रो मन सिलाइ हेरौ कसो हुन्छ

जागै बसी  थैली कसी तमोर तर्न तिमी र म
मध्य रात गावै बाट बिलाइ हेरौ कसो हुन्छ

डाँडा उक्ली हस्याङ फस्याङ अरुण कटि चौतारीमा 
थ्याच्च बसी मिठो प्यार पिलाइ हेरौ कसो हुन्छ

असारमा दु:ख गरे मङ्सिरमा फल्छ फल
छर्दै बिंझ  धर्ती हामी हिल्याइ हेरौ कसो हुन्छ

टाढै बसी तेल घसी बा आमाको काख तिर  
चन्द्र मुखी जेठो नाति दिलाइ हेरौ कसो हुन्छ