राउटे कान्छीहरु

हजारौ प्रान्तका विभाजित छाती बोकेर 

प्रत्येक बासमा जन्मेका राउटे कान्छीहरु 

एक थुगा गुरास झैँ 

लेकाली यौवनले फकरक्क फुलेको पनि बर्सौ भयो । 

भाले नलागेर, पोथीले पारेको,

बतासे अण्डा जस्तो राउटे कान्छी !

हेर्दा अण्डा नै हो तर अण्डा हुन सक्दैन 

हेर्दा मान्छे नै हो तर मान्छे हुन सकेको छैन 

ब्याबहारले ,सस्कारले ,आडम्बरले 

धर्मले ,परम्पराले नीति र नियमले 

के फरक छ ??

राउटे कान्छी र शेर्पेनी कान्छीमा ??

शेर्पेनी कान्छी !

जुकरवर्गको चलायमान र गतिवान समयलाई 

हत्केलाको औलाहरुमा कैद गरि 

फेसबुक र ट्वीटरको दुनियामा

स्वातन्त्र बाच्दा 

राउटे कान्छीको यौवन,

राउटे कान्छीका जोस जागर 

सिप र सामर्थ किन

जगलको भित्ताहरुमा खेर गैरहेको छ 

शेर्पेनी कान्छी !

धन्य छ तिमीलाई 

तिमीले उदास कार्की र उदास मण्डल जस्तो

उदास तामांग र उदास रैथाने जस्तो 

वल्लो ड्याङ र पल्लो ड्याङका ति मुला मान्छेहरु(पुरुष)लाई 

परास्त गरी उदास र निरासताबाट स्वातन्त्र भई

खुशी बोकी ससारलाई मोबाइलमा कैद गरि

गोजीमा राख्यौ 

तिमी त समाजकी एक झ्वाकी मुखिनी हौ... झ्वाकी मुखिनी

तर यति नै बेला 

लिङ्गिय समानताकी,

राउटे कान्छीको यौवन, जीवन र जिन्दगी 

जंङ्गलका अंगेरी पातहरु माथि लत्पतिदा थोरै टिठ लाग्दैन ???

राउटे कान्छी !!

प्रोफेसर शर्माको डायरी पढ 

बिसे नगर्चीका कथा महसुस गर 

अध्यारो जगलमा योजना र तालिकाहरु बनाउ 

अनि निस्क...

भूगर्भको कालो जंगल बाट..

जगल तल बिरौटेमा ...

जहा फापर फल्छ 

जहा थुम र किल्लाको कुरा चल्छ

जहा ताम्सालिंग र नेवाको कुरा चल्छ 

जहा लिम्बुवान र खुम्बुवानको कुरा चल्छ 

जहा बिराट र मगरातको कुरा चल्छ 

हो, त्यहि राज्यले

तिमीलाई हक दिन कर लाग्छ 

निस्क भू-गर्भको कालो जगल बाट 

किन कि 

पूर्वी क्षितिजको सुनौलो घाम झैँ 

श्रीङ्खलाका सन्जीवनीले 

अस्तित्व र अस्मिता सगै

सिर्जना सङ्कल्प र सद्बिचारले 

जगलमा यौवन पोखेर होइन 

न्यानो महलमा श्रीस्टी थाम्न 

थुप्रैनयाँ राउटे हरु जन्माउनु छ ....

थुप्रै नयाँ राउटे हरु जन्माउनु छ ...