रोल्पा रोयो रुकुम रोयो

रोल्पा रोयो रुकुम रोयो रोयो दुनै माडी खारा
रसिदै थे किन सुके संबिधानका सबै धारा

प्रगतिले फड्को मारी चन्द्र छोइ हाँस्ने बेला
आँसु भित्रै पौडिदैछन हुम्ला जुम्ला सोलु बारा

न्याय कानुन सुख शान्ति दिने बाचा खेर जादा
बाचा गर्ने ढुक्कै हिड्छ लाज मान्छन ध्रुब तारा

भोली जगत भन्छ भनी उस्ले रगत दिए पनि
उस्तै समाज हुनु रैछ ब्यर्थै मरे मेरा प्यारा

कुसन्तानका हातमा परि मातृभूमी बेचे भने
अस्तित्व म खोजि आउला,बताई देउ है रुपा रारा