"मेरो राष्ट्र! भन्दै भन्दै"
जिन्दगीका अन्त मसी त्यहीनिर पोख्यौ किन
'मेरो राष्ट्र!' भन्दै भन्दै बाँकी शब्द रोक्यौ किन ?
राष्ट्र फेरी अमर गीता तिम्रै बरदान यो
बिछोडको शख ढोल हामीबिच ठोक्यौ किन ?
रहनु थियो जुनी जुनी यो भुमीमा जिबित
यती ठुलो राष्ट्र भक्ती आँखा चिम्ली बोक्यौ किन ?
कर्मठ सपुत योद्धा बाँच्छ यो भुमीमा भन्दा
अर्कै लोक यात्रा फेरी आजै मिती तोक्यौ किन ?
जिन्दगीका अन्त मसी त्यहीनिर पोख्यौ किन
'मेरो राष्ट्र!'भन्दै भन्दै बाँकी शब्द रोक्यौ किन ?
[सन्त नेताका अन्तिम मसी ,अन्तिम शब्द अनी जीवन अन्तको यो घडीमा दिवङ्गत
आत्माको चीर शान्तीको कामना गर्दछु ]
No comments:
Post a Comment