घायलको तरही मुसायरा -८
ज्ञान बुद्धि नयाँ चिज देशै भरि छर नेता
जनता साथ हुन्जेल किन मान्छौ डर नेता
राजनीति त्यस्तै त हो सत्ता माथी जानु पर्छ
नपुगे नी ठीकै छ नी आफ्नै बस्ती झर नेता ।
गाली मात्र छैन पो त ताली पनि तिम्रै न हो
जनताकै मन जित्ने त्यस्तो काम गर नेता ।
देश तान्छौ दुर-दर्शी सु-बुद्धिले अघि भन्ने
बिस्वासको ठूलै दीप गरेकाछौ भर नेता ।
हुन्छ गर्छौ भन्ने अठोट् कहाँनिर चुक्यो कुन्नी!
संबिधान लेख्ने मिती किन सार्छौ पर नेता ?
No comments:
Post a Comment