गजल

हाँसो फल्ने कोठेबारी जीन्दगीको गोरेटोमा
फूल फुलोस् गोदावारी जीन्दगीको गोरेटोमा

लक्ष पुग्न ढिला होला फूल त्यसै कहाँ फूल्छ 
बस्यौं भने आँतै मारी जीन्दगीको गोरेटोमा

जीत चुम्न चस्स खपी बाग भित्र हुँदा माली     
फाड्नै पर्छ काँढा घारी जीन्दगीको गोरेटोमा

एक्लै फेरि सँझिदैन सुन्दर ती बाग पनि
सहयात्री नर नारी जीन्दगीको गोरेटोमा

डर लिनु छैन  मनु!सत्य मनले रोप्यौ भने
फूलै फूल वारी पारी जिन्दगीको गोरेटोमा

-बुद्धि मोक्तान
२०११/ ०६/२६

 घायलको तरही मुसायरा भाग -१६ मा , जितु खड्का को मिसरामा मैले लेखेको गजल