धर्ती उही टेके पनि

धर्ती उही टेके पनि किता फरक हुन्छ यहाँ
संगै मरौ भने पनि चिता फरक हुन्छ यहाँ
--------------------------------------------
सम्मानले लाखौं लाइ 'बाबा'बाबा' भन तर
जन्म दिने जन्मदाता पिता फरक हुन्छ यहाँ
---------------------------------------------
इश्वर ती धर्म सबै एकै भन्ने जाँन्दा जाँन्दै
तर्क अघी सर्छ फेरी 'गीता फरक हुन्छ यहाँ
------------------------------------------------
गरीबीको बोलावाला कति सम्म भयो भने
खाने मुख उस्ता उस्तै सिता फरक हुन्छ यहाँ
--------------------------------------------
ढिडो रोटो भन्दा मिठो खाए पनि सिमा पारी
छोइ हेरे पराइको भिता फरक हुन्छ यहाँ
-------------------------------------------
पश्चिम किल्ला पुर्व टिस्टा बचेको यो बिर्ता पनि
टुक्रिएरै जान्छ भने  फिता फरक हुन्छ यहाँ
-------------------------------------------