तोङ्बामा पानी हालुँ कि हजुर

शेर्पेनी पसल् पालुँ कि हजुर
तोङ्बामा पानी हालुँ कि हजुर

जाडो छ आज अती नै जाडो

बसेर तान्न थालुँ कि हजुर

भिजेको रस स्वादिलो पार्न    

त्यो रातो भाले ढालुँ कि हजुर

दिनेको हात जवानी मिठो

शेर्पेनी कान्छी गालुँ कि हजुर

बहाना छरौ लोड्सेडिङ् भयो

निभाइ बत्ती बालुँ कि हजुर

मातले छुँदा मन् मिल्दो हुँदा

जीवनकै गोटी चालुँ कि हजुर

कान्छी र तोङ्बा दुबैको साथ

यो साल्को जाडो फालुँ कि हजुर