हिजैको कहानी सोची बसेछौ

हिजैको  कहानी सोची बसेछौ    

नलेखी दिलैमा पोखी बसेछौ   

बितेरै जवानी त्यसै गलेथ्यो 

नबल्ने अगुल्टा ठोसी बसेछौ   

जुरेको घराना ठाडै नकार्दा 

अभागी निधार पो ठोकी बसेछौ  

दिएका हजारौ बाचा गुमाइ 

नभेट्दा गृहस्थी रोकी  बसेछौ  

नलेखी नमर्ने  भन्दै कहानी 

भिजेका परेली छोपी बसेछौ   

ISS ISS SSI SS 

 [पोस्टराज चापागाइद्धरा प्रतिपादित,

बिपन्ची छन्दमा आधारित ]

 ३ मा अर्ध र ६ बिश्राम