भूगोलमा नखोज

...
..भूगोलमा किन खोज्छौ मलाई,
भावनामा खोज
गुगल सर्चमा, समय खर्चेर 
अल्कचिएका तिम्रा नयन 
पर क्षितिज सम्म, टोलाउदा हुन
खोजीमा हिंडेका तिम्रा पाइला
उत्साहका हत्केला 

अन्त त ,रित्तै फर्किदा
उमंङ्गमा ह्रास आउँला
बरु,
निरुत्साही हुनुको बादला
हामी भेट्ने चौतारीमा जाउ
जहाँ एउटा शीला ढुङ्गा छोडेको थिएँ
शायद,
मेरै नाम खोपिएको होला
जब तिमीलाई त्यहाँ कुनै,
तीथि र मितिको ज्ञात हुन्छ
तिमी नरुनु
गाजलको अस्तित्व
आँसु संगै मेटिनु होइन ... ..
.....