जीवन हाँक्न चल्छ मुटु,

जीवन हाँक्न चल्छ मुटु, कहाँ पुगी रोकिन्छ यो ।
जब धड्कन चल्न छोड्छ, तब जिब्रो टोकिन्छ यो।

कैले पुग्छ अक्कर माथि कैले लड्छ बगर माथि 

बुझ्नै गार्हो जिन्दगानी, कहाँ कहाँ ठोकिन्छ यो ।

यादको चिनो जाले रुमाल तस्बिर पनि चुमी बस्दा 

जति माया संगाले नि , आँसु किन पोखिन्छ यो ?

सत्य युगको अन्त्य यहाँ भएरै त होला हजुर 

चोखो माया भने पनि, पैसा संग जोखिन्छ यो ।

बाँचुन्जेल तेरो मेरो धनी गरीव भन्ने जीवन 

मर्दा उस्तै लास बनाइ, बाँस माथि बोकिन्छ यो ।